ЛУЃЕТО БИЛЕ ВО ПАНИКА, ЗГРАДИТЕ СЕ ТРЕСЕЛЕ Земјотрес ја крена Хрватска на нозе
Седев и сѐ се тресеше - столот, подот... Почувствував и дека цела зграда се тресе неколку секунди, изјавил потресен жител на хрватскиот град Риека.
Во 11 часот и 3 минути е почувствуван земјотрес во Риека, објави хрватски Индекс.
Како што информираат од Сеизмолошката служба на Хрватска, магнитудата е 3,4 степени. Епицентарот на земјотресот бил на 8 километри североисточно од Риека, кај Гробник, на длабочина од 2 километра.
Можеби ќе ве интересира
– Многу се тресеше. Јас сум на 18 кат во многу добро изградена зграда. Досега речиси и не сум почувствувал земјотрес, но овој навистина затресе. Седев на креветот со нозете на подот и подот под моите нозе буквално се тресеше неколку секунди – изјавила читателка на Индекс од Риека.
Многумина го почувствувале земјотресот и се вознемириле.
– Седев и сѐ се тресеше – столот, подот… Почувствував и дека цела зграда се тресе неколку секунди – изјавил друг жител Риека.