Луѓето бесни! Рита Ора влезе во Австралија, додека 40.000 нивни државјани чекаат да се вратат дома!

Австралиската Влада се најде на удар на критики на јавноста и опозицијата поради пуштањето на пејачката Рита Оре (30) во земјата и покрај затворањето на државните граници.

Имено, Рита, која ќе се појави во шоуто „Гласот Австралија“ како учител по пеење и супервизор, во моментов минува низ 14-дневен карантин во хотел.

Меѓутоа, членовите на опозицијата и австралиската работничка партија ја критикуваа одлуката на Владата да ѝ дозволи на Рита Ора, која, наводно, патувал со придружба, да влезе во земјата пред австралиските граѓани ширум светот кои сè уште да се трудат да се вратат дома.

Портпаролката на опозицијата Кристина Кенеали рекла:

– Сè уште има 40.000 Австралијци „блокирани“ во странство. Секоја позната личност што ќе заземе место во карантин му го ускратува тоа место на еден Австралијанец кој чека да се врати дома – рекла таа.

Таа исто така го критикувала премиерот на земјата Скот Морисон, велејќи дека „ова е уште еден пример на оставање на Австралијанците на цедило“.

– Рита Ора не се организирала да го заврши 14-дневниот карантин во приватна организација, што значи дека нејзиниот хотелски престој е едно од многуте ограничените места кои им ги зазема на Австралијанците – заклучила Кристина.

Да потсетиме, шефот на еден ресторан во Лондон тврди дека Рита Ора му понудила 5.000 фунти за да ги прекрши правилата пропишани за време на пандемијата со ковид-19 со цел да организира забава за нејзиниот 30-ти роденден, што наиде на осуда и од британската јавност.