Лоши вести за Милан: Ибрахимовиќ со нов позитивен тест за ковид-19

Sвездата на Милан, Златан Ибрахимовиќ и дефанзивецот на „росонерите“, Лео Дуарте, сè уште не се излекувани од коронавирусот. И двајцата дадоа нови позитивни тестови за ковид-19, открива „Скај Спорт Италија“.

Полудефанзивецот на Интер, Раџа Наинголан и Роберто Гаљардини, исто така, беа тестирани позитивни, според „Ла Газета дело Спорт“.

Така, веќе четворица играчи на „нероазурите“ можат да го пропуштат претстојното дерби со Милан поради коронавирусот. Другите двајца со позитивни резултати досега се Алесандро Бастони и Милан Шкрињар.

Интер сè уште официјално не ги потврди резултатите од Наинголан и Гаљардини.

Милан се соочува со Интер на дербито во Милано на 17 октомври и ризикува да го загуби својот влијателен напаѓач, кој е аут од третото квалификациско коло во Лигата на Европа против Бодо / Глим.

„Росонерите“ не се единствените кои имаат проблеми со ковид-19 пред следната рунда во Серија „А“, Џенова е најпогодениот клуб во Италија, па можеби дури и ќе мора да патуваат со младинскиот тим за мечот со Верона на 18 октомври.