Локомотива гори на Железничка во Скопје, нема повредени патници (ФОТО)
Предмалку во Скопје пристигна патничкиот воз од Гевгелија, но само што се симнаа патниците, забележавме дека локомотивата е во пламен. Нема повредени - кратко ни искоментираа вработени во Железница.
Патниците кои предмалку пристигнале со возот од Гевгелија во Скопје уште долго време ќе го паметат ова патување, бидејќи самите тие биле сведоци на голем пожар кој почнал да се шири во локомотивата, дознава Плусинфо од извори во Железница.
Можеби ќе ве интересира
Како што објаснуваат нашите соговорници, вработените во Железничката станица во Скопје во моментов со сите сили се обидуваат да го изгаснат огнот, а за среќа, како што велат, нема повредени патници.
– Предмалку во Скопје пристигна патничкиот воз од Гевгелија, но само што се симнаа патниците, забележавме дека локомотивата е во пламен. Нема повредени, но сè уште се обидуваме да ги откачиме вагоните за да не ги зафати пламенот – кратко ни искоментираа вработени во Железница.