ЛОГА УПАТИ ПИСМЕН ДОПИС ДО МИЦКОСКИ Предлага ВМРО-ДПМНЕ да раководи со работната група за измени на Законот за јавни обвинители
На политичката партија ВМРО ДПМНЕ и се упати можност да даде свој придонес со тоа што ќе ја предводи работата на работната група задолжена за изготвување на измените и дополнувањата на Законот за јавното обвинителство преку предлагање на претседател на работна група - стои во соопштението од Министерството за правда.
Министерот за правда Кренар Лога испрати писмо до лидерот на ВМРО-ДПМНЕ Христијан Мицкоски и до координаторот на партијата Никола Мицевски за учество во работната група за измени на Законот за јавно обвинителство, информираше Лога со објава на Фејсбук, а потоа и Министерството за правда со официјално соопштение.
„Министерството за правда со цел обезбедување целосна инклузивност во постапката за изготвување на Законот за изменување и дополнување на Законот за јавното обвинителство што прозилезе како резултат од координативниот состанок одржан во министерството за правда на 15.11.2023 година на кој беа отворени и дискутирани повеќе аспекти кои се регулирани со Законот за јавното обвинителство, за кои од страна на преставниците на јавните обвинителства беше укажано дека постои потреба од нивно подобрување преку донесување на законски решенија, на 17.11.2023 година беа доставени писмени дописи до претседателот на политичката партија ВМРО-ДПМНЕ, Христијан Мицкоски и до кординаторот на политичката партија ВМРО-ДПМНЕ Никола Мицевски“ – стои во соопштението.
Можеби ќе ве интересира
Следејќи ја и досегашната практика за обезбедување вклученост и на политичката партија ВМРО-ДПМНЕ во сите постапки за донесување на законите кои се во надлежност на Министерството за правда воедно и преку доставување на работните верзии на законите кои се во постапка на подготовка во писмениот допис информираше за резултатите од одржаниот состанок имајќи предвид дека координаторот на политичката партија ВМРО-ДПМНЕ и покрај упатената покана не присуствуваше на состанокот – истакнуваат од Министерството за правда.
„Дополнително со доставениот допис на политичката партија ВМРО ДПМНЕ и се упати можност да даде свој придонес со тоа што ќе ја предводи работата на работната група задолжена за изготвување на измените и дополнувањата на Законот за јавното обвинителство преку предлагање на претседател на работна група .
И покрај фактот што до министерството за правда сè уште не е доставен никаков писмен одговор, забелешки или предлози на работните верзии на законите во надлежност на министерството за правда кои беа доставени и примени од страна на политичката партија ВМРО-ДПМНЕ на 12.07.2023 година изразуваме уверување дека од нивна страна ќе биде прифатена упатената покана и во оваа насока ќе биде доставен предлог за претседател на работната група која ќе биде формирана во рамки на Министерството за правда“ – стои во соопштението.