Левица со претставка против трудовите инспектори: Одбија да извршат надзор во неколку основни и апелациски судови ВИДЕО

Државниот инспекторат за труд незаконски одби да изврши надзор во неколку основни и апелациски судови, за кои Левица поднесе Иницијативи за вонреден инспекциски надзор поради сомневање за незаконитости при спроведување на постапки за унапредување, информира партијата.

– Освен до Државниот инспекторат за труд, беше поднесена Иницијатива и до Државниот управен инспекторат – во чиј одговор беше наведено дека единствен надлежен орган е токму Државниот инспекторат за труд. Бидејќи член 71 од Законот за инспекциски надзор јасно предвидува дека секое физичко или правно лице може да поднесе барање за инспекциски надзор, Левица поднесе претставка до Инспекцискиот совет заради непостапување на Државниот инспекторат за труд. Избегнувањето да се изврши надзор само дополнително ги зацврстува сомнежите за нерегуларности и партизираност во судството, кое очигледно е дека само продолжена рака на режимот за амнестирање на криминалите на секоја гарнитура на власт – вели Левица.