ЛЕВИЦА ОБВИНУВА ЗА НЕЛЕГАЛЕН ПРЕТРЕС ПРЕД СОБРАНИЕ Дојдоа ненајавени со кучиња, ги испразнија шаторите
Без никакво предупредување и со дрско однесување правеа претрес со кучиња и ги испразнија шаторите на камперите, кои мирно и достоинство кампуваат од синоќа, велат од Левица.
Партијата Левица обвинува дека утринава околу 6 часот полицајци со кучиња ненајавени извршиле претрес во шаторите на луѓето кои кампуваат пред Собранието. Според нив ова е „неуспешен обид за заплашување“. Во продолжение ја пренесуваме реакцијата на партијата:
„Безбедносните структури утрово, околу 06:00 часот упаднаа во кампот пред Собранието на Република Македонија, каде што кампуваат активисти на Левица, а воедно голем дел од нив се членови на Црвена Младина.
Без никакво предупредување и со дрско однесување правеа претрес со кучиња и ги испразнија шаторите на камперите, кои мирно и достоинство кампуваат од синоќа.
Истовремено, бевме сведоци како истите структури пред неколку денови дозволија вперување на пиштоли кон граѓаните кои мирно протестираа, каде целосно изостана нивната реакција.
Неуспешни се сите обиди за заплашување на министерот Оливер Спасовски да внесе страв меѓу граѓаните.
Денес, во 12:00 часот, ќе упатиме гласно НЕ до сите пратеници и претседателката на Европската комисија, Урсула Фон Дер Лајен!“, се вели во соопштението на Левица.