ЛЕВИЦА ГО ОБВИНИ ЕВН ЗА БЕСПРАВНО ГРАДЕЊЕ Наместо надземен, ставен е подземен далновод во Делчево?
Иако во проектот станува збор за надземен далновод, на терен е вршено поставување на подземен далновод, спротивно на основниот проект и тоа на тротоари, односно државно земјиште, се вели во соопштението на Левица. Партијата поднесе кривична пријава против подружницата на ЕВН во Делчево.
Партијата Левица поднесе кривична пријава против ЕВН Македонија – Кец Делчево поради сомнеж за бесправно градење. Левица го обвинува ЕВН дека градел подземен наместо надземен далновод спротивно на основниот проект.
Тие напишаа:
„Во периодот од Јуни до Октомври 2022 година правното лице ЕВН Македонија-Кец Делчево без одобрение за градење, умислено и пакоснички извршува казнено дејствие по член 244 од кривичниот законик на Република Македонија.
Иако во проектот станува збор за надземен далновод, на терен е вршено поставување на подземен далновод, спротивно на основниот проект и тоа на тротоари, односно државно земјиште.
Со ваквите градежни дејствија и без одобрение за градење ЕВН Македонија-Кец Делчево изведувало градба на туѓо земјиште.
Интересот за планско развивање на просторот кој е во функција на задоволување на потребите, правата и интересите на граѓаните со ова дело е прекршено, со што Политичката партија Левица уште еднаш застанува во одбрана на сите граѓани на Република Македонија“, се вели во соопштението на партијата.