ЛЕТААТ ТУЖБИ Аца Лукас ги тужи Неда Украден и жирито за поразот на „Беовизија“
Аца Лукас ги тужи генералниот директор Драган Бујошевиќ, уредничката на забавната програма на РТС Оливера Ковачевиќ и пет членови на жирито.
Српскиот фолк-пејач не може да се помири со поразот на „Беовизија“, на која победи Констракта.
Најново во настаните во врска со српската Песна за Евровизија е дека сега Аца Лукас и неговиот менаџер Саша Мирковиќ поднеле кривична пријава до Обвинителството за организиран криминал на Република Србија против генералниот директор Драган Бујошевиќ, уредничката на забавната програма на РТС Оливера Ковачевиќ и пет членови на жирито, меѓу кои и пејачката Неда Украден.
Српски „Курир“ стапил во контакт со повеќето членови на жирито кои Лукас ги пријавил во кривичната пријава до Обвинителството за организиран криминал за кражба на гласови во финалето на „Песна за Евровизија“.
Уна Сениќ, Жељко Васиќ и Тијана Милошевиќ рекле дека немаат коментар, Владимир Николов не одговарал на повиците, а само Неда Украден дала краток коментар:
„Како да се коментира тужбата на човекот на кој единствено јас му дадов гласови, а на победничката не ѝ дадов ниту еден глас? Немам коментар“, напишала Неда во пораката и на крајот ставила емотикони „смајли“ кои потсмешливо се смеат.
ФОТО: Инстаграм