ЛЕТ ДО ВСЕЛЕНАТА ВРЕДЕН ДЕСЕТИЦИ МИЛИОНИ ДОЛАРИ „Спејс-Икс“ успешно ги лансираше првите вселенски туристи
Летот е изнајмен од американскиот милијардер Џеред Ајзекмен, основач и извршен директор на „Шифт-4 пејмент“ и искусен пилот, заедно со Сијан Проктор, Хејли Арсено и инженерот Крис Семброски. Точната сума за летот, не е објавена, но се претпоставува дека станува збор за десетици милиони долари.
„Спејс-Икс“ на Илон Маск рано утрово, во 02:00 ч. по македонско време, успешно ги лансираше првите свои четворица вселенски туристи, највисоко во Земјината Орбита. Тие три дена ќе престојуваат во Вселената.
Според западни медиуми, овојпат „Спејс-Икс“ цели на околу 575 километри над Земјата, повисоко и од Меѓународната вселенска станица (МВС).
Летот е изнајмен од американскиот милијардер Џеред Ајзекмен, 38-годишниот основач и извршен директор на „Шифт-4 пејмент“ и искусен пилот. Со него се и Наставничката Сијан Проктор (51), Хејли Арсено (29-годишна излечена од рак) и инженерот Крис Семброски (42). Точната сума за летот, не е објавена, но се претпоставува дека станува збор за десетици милиони долари.
Ракетата „Фалкон 9“ со вселенска капсула „Кру драгон“ полета од американскиот космодром Кејп Канаверал при Вселенскиот центар „Кенеди“ на Флорида.
„Спејс-Икс“ досега повеќепати превезува астронаути на МВС за американската вселенска агенција НАСА. Ова е прв лет на „Спејс-Икс“ со цивили. Компанијата на Илон Маск со ова влегува во борбата за својот „дел од колачот“ наречен „вселенски туризам“.