ЛЕСНО Е ДА ФРЛИШ, ЗЕМИ ПОПРАВИ НЕШТО! Светски ден на поправките
Секој главен град во светот има ваков простор за поправки, често и во форма на кафуле (Repair Café). Ние го видовме концептот во Ријека и веднаш знаевме дека е логично продолжение на она што го правиме во делот на зелено социјално претприемништво и циркуларна економија. Патем, корисно е и за животната средина и за паричниците на граѓаните, рече претседателката на здружението АРНО, Ирина Јаневска најавувајќи го отворањето на првиот центар за поправки во Македонија
Дали знаевте дека воопшто постои Светски ден на поправки?
Ние не знаевме, но кога веќе постојат разноразни светски денови кои се навистина целосно бескорисни, како на пример, светски ден на кој можете да го земете со себе во канцеларија своето куче, потоа светски ден на емотикони, светски ден на оргазмот, па дури и светски ден на кој не треба да се жали за истуреното млеко, зошто да не постои еден ваков навистина корисен ден?
Веќе сите знаеме дека квалитетот на денешните производи за домот, не е како порано, па сигурно често слушате дека ако порано, на пример, сте имале миксер кој ве служел цели 30 години, сега треба да сте среќни ако потрае пет.
Колку пати сте пожалиле што не сте се обиделе да си го поправите вашиот стар тостер, туку сте си рекле, ќе си купам нов, ново си е ново? И сте се покајале уште првиот ден?
Денес (18-ти октомври) за првпат во Македонија беше организиран настан за одбележување на Светскиот ден на поправки кој во светот се одбележува на 19 октомври.
Настанот беше организиран од здружението АРНО, а дека одбележувањето на светскиот ден на поправки не беше единствената цел на овој настан, зборува и локацијата во која се случуваше ова.
Станува збор за просториите на идниот „Центар за поправки“ во Кисела Вода чие отварање, претседателката на АРНО, Ирина Јаневска, го најави за следната година.
Повеќе за ова прочитајте ТУКА.