„ЛЕСЈА УКРАИНКА“ УТРЕ НА ПРОТЕСТ Ќе се собира хуманитарна помош на плоштад „Македонија“
На Плоштадот „Македонија“ во Скопје утре ќе се одржи протест на Украинците кои живеат во земјата против руската инвазија во Украина. Протестот ќе почне во 14 часот пред споменикот на Александар Велики.
Можеби ќе ве интересира
„Ги повикуваме сите свесни луѓе да го изразат својот револт против војната и безграничната суровост од страната на Русија кон Украина и да се приклучат на протестниот марш“, се наведува во соопштението од Здружението на Украинците во Македонија „Лесја Украинка“.
„Лесја Украинка“ информира дека на плоштадот секој ден ќе се собира хуманитарната помош за Украина, за што ќе биде поставен шатор.
Минатата недела, Украинците кои живеат во земјава одржаа протест пред руската амбасада во Скопје.