ЛЕНТАТА Е ПРЕСЕЧЕНА Скопје го доби новиот Ист Гејт Мол (ФОТО)
Трговскиот центар претставува уникатно архитектонско издание од последната генерација трговски центри, којшто од утре ќе го мапира Скопје како регионална шопинг дестинација и воедно ќе биде атракција за посетителите на главниот град.
Во предвечерјето на официјалното отворање, во свечена есенска атмосфера се оддржа средба за закупците, соработниците и со партнерите на новиот трговски центар Ист Гејт Мол. На присутните топло добредојде им посака инвеститорот на проектот, кој искажа голема благодарност на сите учесници во процесот, кој овозможи реализација на инвестицијата, се вели во соопштението за медиуми.
„Трговскиот центар претставува уникатно архитектонско издание од последната генерација трговски центри, којшто од утре ќе го мапира Скопје како регионална шопинг дестинација и воедно ќе биде атракција за посетителите на главниот град. На настанот присуствуваа претседателот на државата Стево Пендаровски, претседателот на Собранието, Талат Џафери, и премиерот Зоран Заев, како и министри во Владата, претставници од дипломатскиот кор и претставници на закупците на трговскиот центар. Свое обраќање имаа акционерите на Скопје Ист Гејт, Арсим Папранику и Самир Мане. Трговскиот ценатар, чија бруто изградена површина изнесува 160.000 метри квадратни, беше изграден во рекорден рок од 26 месеци во услови на глобална пандемија. Премиерот Зоран Заев го изрази своето задоволство што со Ист Гејт Мол, инвестиција од над 103 милиони евра, придонесе македонската економија да добие економски импулс во периодот на глобалната пандемија, со кое главниот град со оваа инвестиција добива модерен лик и станува уште поатрактивна дестинација за странските посетители“, се вели во соопштението.
Ист Гејт Мол е дел од повеќенаменскиот проект Скопје Ист Гејт и претставува инвестиција на Балфин Групација. Новиот трговски центар е новото срце на градот и официјално ќе биде отворен за посетителите на 29 октомври од 10:00 часот.
