📽️ ЛАЖНИТЕ ЕВРА ОД СКОПЈЕ СТИГНАЛЕ ДО ГЕРМАНИЈА, АВСТРИЈА И КОСОВО Полицијата откри како функционирала балканската криминална група

Во голема меѓународна акција координирана од ЕУРОПОЛ, македонската и српската полиција разоткрија организирана криминална група која се занимавала со фалсификување пари на територијата на повеќе држави. Во Скопје, Велес и Прилеп биле уапсени 10 лица, додека во Србија приведени се уште шест осомничени.

„Во акцијата биле пронајдени и запленети околу 500.000 евра, 25.000 американски долари, големи суми во други валути, како и специјални машини за изработка на лажни банкноти. Полицијата открила и три пиштоли, една пушка и стотици куршуми, што дополнително ја засилува тежината на случајот“, информираат од МВР.

• ЗАВРШИ АКЦИЈАТА „ВАРДАР“, УАПСЕНИ СЕ 10 ЛИЦА Запленети се 500.000 фалсификувани евра во печатницата на групата криминалци

Криминалната група, составена од македонски и српски државјани, користела специјални машини со гравирани плочи за изработка на лажни банкноти во различни апоени. Фалсификуваните пари биле пуштани во оптек во Северна Македонија, Србија, но и во Австрија, Германија, Романија, Словенија, Хрватска и Косово.

Во текот на претресите, полицијата пронашла CNC машини, калапи, жигови и валјаци со кои биле печатени фалсификуваните пари, како и копии од делови на банкноти. Покрај тоа, запленети се три пиштоли, една пушка, голема количина муниција, како и непознати прашкасти супстанции, кои ќе бидат предмет на вештачење.

Против шест македонски и двајца српски државјани ќе биде поднесена кривична пријава за фалсификување пари, а истрагата продолжува.