ЛАЖЕН ЗВУК ДОДАДЕН НА ВИДЕОТО СО ТАЛАТ ЏАФЕРИ ВО ФОРИНО Тоа што се слуша е навивачка песна од стадион

По објавувањето на веста „ИЛИРИДА, ЧЕМЕРИЈА, КОСОВО! Погледнете како Талат Џафери беше пречекан во родното Форино“ утврдено е дека звукот на видеото е дополнително намонтиран, односно форензички е утврдено дека стаува збор за звук снимен за време на фудбалски натпревар на стадион.

Плусинфо ја повлекува веста и им се извинува на читателите поради направената грешка.

Инаку, како што можеше да се види на монтираното видео објавено на социјалната мрежа Тик-ток, жителите на Форино имаат формирано кордон со факели од двете страни на улицата додека конвојот од полициски возила и обезбедувањето на Џафери минуваат низ улицата.

Некогашниот командант Форина во ова гостиварско село беше дочекан и со огномети, а исто така може да се погледне како Џефери се поздравува со поблиските соселани и пријатели, и им отпоздравува на насобраните.