„ЛАЖЕН“ ДОЈАВУВАЧ ЗА „ЛАЖНИТЕ“ БОМБИ ВО УЧИЛИШТАТА Полицијата го ослободи Николовски, немал никаква врска со заканите

По 10-часовно темелно испитување во полициска станица, МВР рано утрово го ослободи 23-годишниот Никола Николовски кој синоќа беше приведен како осомничен за лажните пријави за бомби во средните училишта ширум главниот град.

Министерството за внатрешни работи во текот на вчерашниот ден помпезно ја соопшти информацијата дека конечно е приведен осомничениот за лажните дојави за бомби, но сепак, утрово токму тој осомничен е пуштен на слобода без никаква пријава, објави Радио Лидер.

Целата збрка настанала откако испраќачите на заканите за поставени бомби го пишале името на Николовски и неговиот телефонски број во мејловите со закани, па полицијата веднаш тргнала да го апси човекот и да врши претрес во неговиот дом.

МВР ПРИВЕДЕ НЕВИН ЧОВЕК Конзерватив.мк тврди дека нивниот активист не испраќал закани за бомби