ЛАВРОВ САКА ДА ДОЈДЕ НА САМИТОТ НА ОБСЕ ВО СКОПЈЕ, НО… Македонскиот воздушен простор е затворен за руски авиони
Рускиот министер Сергеј Лавров во кое покажал интерес и барање да се обезбеди негово присуство во земјава, но Бујар Османи вели дека за ова прашања има „предизвици“.
Министерот за надворешни работи Бујар Османи добил писмо од својот руски колега Сергеј Лавров, во кое Русија покажала интерес и барање да се обезбеди присуство на Лавров во земјава, на Министерскиот состанок на ОБСЕ во Скопје.
Осман и денеска изјави дека во врска со тоа постојат, како што рече, одредени предизвици, бидејќи македонскиот воздушен простор е затворен за државни руски авиони.
-Ние ги процесуираме барањата на сите членови на руската делегација за визи и за доаѓање во Северна Македонија. Во моментот кога ќе имаме решение, сигурно ќе информираме – рече министерот Османи.
На Министерскиот состанок на ОБСЕ што ќе се одржи во Скопје од 29 ноември до 1 декември ќе учествуваат 76 делегации од земји-членки и партнери на ОБСЕ, а се очекуваат околу 1.000 гости.
Во моментов во тек се консултации за можните кандидати за претседавач на Организацијата за безбедност и соработка во Европа – ОБСЕ за 2024 година. Тоа ќе биде една од темите на Состанокот ЕУ – Западен Балкан што се одржа попладнево во Брисел.