📽 ЛАВАТА ПРОГОЛТА ДЕСЕТИЦИ ЗГРАДИ Жителите на исландскиот град Гриндавик ги бројат штетите предизвикани од вулканот

Вулканската ерупција и лавата што поплави делови од југозападен Исланд уништи десетици згради во малиот рибарски град Гриндавик, пренесува ДПА.

Директорката на Исландската осигурителна компанија за природни катастрофи, Хулда Рагнхеидур Арнадотир, изјави дека досега се добиени повеќе од 400 барања за отштета од жители на Гриндавик.

Градот со околу 3.700 жители почна да се евакуира во ноември по серијата земјотреси за кои, како што подоцна се испостави, ја најавувале силната вулканска ерупција.

Вулканот еруптираше во раните утрински часови на 14 јануари, а набрзо по евакуацијата на населението во близина на градот се појавија бројни пукнатини низ кои почна да продира голема количина лава, кој проодлжи да се излева и во Гриндавик.

🇮🇸🚨‼️ CRAZY: Houses burn in the Icelandic town of Grindavik after a volcanic eruption, lava reaching buildings https://t.co/mVTSszMqfb pic.twitter.com/0IL6XzFH2X

— Lord Bebo (@MyLordBebo) January 14, 2024

Прв пат по речиси половина век, куќи во Исланд беа уништени од големо количество лава. Се проценува дека околу 6,5 милиони кубни метри магма се акумулирале во областа Сварценги, каде што се наоѓа Гриндавик.

Експертите стравуваат од нова голема ерупција на Исланд. На неколку стотици жители на Гриндавик денеска им беше дозволено да се вратат во своите домови на неколку часа за да го земат преостанатиот имот што не бил уништен.

Слична акција е планирана и за понеделник.

Volcanic Eruption Could Cause Town To Collapse

The January 14 volcanic eruption is still threatening the residents of the Icelandic town of Grindavik due to the lava that poured through fissures on the edge of town.

The 4,000 residents of the town were evacuated just before the… pic.twitter.com/b7BvRSV0vK

— SGRA (@SGRAonEarth) January 30, 2024