„КУРТИ НЕМА ДРУГ ИЗБОР ОСВЕН ДА ПРЕДИЗВИКА ВОЈНА“ Ситуацијата на Косово е многу сериозна, предупредува Брнабиќ

Претседателката на Собранието на Србија, Ана Брнабиќ, истакна дека ситуацијата на Косово и Метохија е најсериозна досега, бидејќи по сè изгледа, како што рече, косовскиот премиер Албин Курти сака етничко чистење на Србите и да предизвика конфликт со Белград.

– Тоа е затоа што ми се чини дека Курти нема ниеден друг избор или излез од својата политика, освен да предизвика оружен судир, односно војна со Белград и поради тоа тој е најбезобѕирен до сега, бидејќи целосно е притиснат до ѕид и тоа е неговиот единствен излез – кажа таа за Јуроњуз.

Од друга страна, таа истакна дека „во наш интерес е тоа што претседателот на Србија Александар Вучиќ се труди да го зачува мирот“.

Со тоа што, како што додаде, не смее да се дозволи малтретирање на српскиот народ на Косово и Метохија, како и одземање на имотот и недостиг на каква било правна сигурност.

Напомена дека е исклучително тежок животот на Србите на Косово, бидејќи повеќе не можат да примаат плата ниту да купуваат роба од централна Србија.

– Апсолутно сè води кон тоа што го зборуваше Вучиќ во Советот за безбедност на Обединетите нации, а тоа е свесно предизвикување на невозможни услови за живот на Србите на Косово и Метохија, со што Албин Курти свесно предизвикува етничко чистење и тоа сега на сите им е јасно – истакна Брнабиќ.

Според неа, голем проблем е што сето ова се случува пред очите на меѓународната заедница, односно Еулекс и Кфор.