Курц: Вие одлучувате или вакцинација или инфекција
Нашето големо барање е: прифатете ја понудата за вакцинација, има доволно дози. Или ќе бидете вакцинирани или постојано ќе бидете изложени на ризик од зараза, што во одреден момент ќе стане реалност - рече канцеларот.
Австриската Влада ја повика денеска јавноста за целосна вакцинација против ковид-19, бидејќи бројот на достапни дози во моментов го надминува бројот на луѓе кои сакаат да се имунизираат.
– Нашето големо барање е: прифатете ја понудата за вакцинација, има доволно дози. Одлуката што секоја личност мора да ја донесе за себе е вакцинација или инфекција. Или ќе бидете вакцинирани или постојано ќе бидете изложени на ризик од зараза, што во одреден момент ќе стане реалност – истакна конзервативниот канцелар Себастијан Курц на прес-конференција, додавајќи дека нов бран на инфекција ќе пристигне подоцна ова лето или на есен.
Оваа алпска туристичка дестинација е нешто над просечната стапка на вакцинирани меѓу жителите на Европската унија и Европската економска област, со 45,7 проценти од возрасните лица кои се целосно имунизирани, според Европскиот центар за превенција и контрола на болести.
Минатата недела беа забележани многу ниски 8,4 заразени лица на 100.000 жители. Сепак, по последното олеснување на мерките овој месец, вклучително и отворање на ноќни клубови, дневните инфекции се зголемуваат со ширењето на делта варијантата.