Кучињата на Бајден пристигнаа во Белата куќа, a eдно од нив влезе во историјата (ВИДЕО)

Кучињата на претседателот на САД, Џо Бајден, пристигнаа во Белата куќа и со тоа ја обновија долгата традиција на живеењето на домашни миленици во оваа можеби најважната „куќа“ на светот. Доналд Трамп беше првиот претседател во повеќе од 100 години кој немаше милениче.

Бајден има два германски овчари, Чемп и Мејџор, и тие им се придружија на претседателот и првата дама за време на викендот за време на преселбата во Белата куќа, пишува „ВВС“.

Овие кучиња веќе имаат многу обожаватели, а нивниот официјален профил на „Твитер“ има десетици илјади следбеници.

– Чемп ужива во својот нов кревет покрај каминот, а Мејџор обожава да трча по јужниот тревник – се вели во соопштението од Белата куќа.

Мејџор инаку ќе биде запишан во историјата како прво куче кое е спасено од азил, а кое заврши во Белата куќа.

The First Dogs—Champ and Major—arrived at the White House on Sunday from Delaware.

The two German shepherds are the first pets to live at the executive mansion since the Obama administration. https://t.co/imJ5jzdi7a pic.twitter.com/JXChPJQBXF

— ABC News (@ABC) January 25, 2021