КРИВИЧНА ЗА ИМЕТО „ЦАР БОРИС ТРЕТИ“ НА БУГАРСКИ КЛУБ Еврејската заедница вели дека фашизмот се враќа
Претседателот на Еврејската заедница од Македонија, Пепо Леви, најави дека до Обвинителството ќе поднесат кривична пријава за името на бугарскиот културен центар „Цар Борис Трети“ во Охрид.
Можеби ќе ве интересира
– По таква една личност да се регистрира културен центар, тоа е директна провокација. Тоа е на одреден начин враќање во фашизмот. Не може фашизмот на таков начин на голема врата да се враќа во Македонија, тоа е недозволиво. Ние ќе поднесеме и кривична пријава до Обвинителството – изјави Леви за Сител во врска со најавеното отворање на бугарскиот клуб именуван по сојузникот на Хитлер во Втората светска војна.
Отворањето е најавено за 7 октомври, четири дена пред Денот на народното востание на македонскиот народ.