Кристијано Роналдо се враќа во Реал Мадрид?

Фудбалерот на Јувентус, Кристијано Роналдо, до мај ќе одлучи за иднината во клубот, пред да заврши сезоната, со цел да ѝ помогне на управата да го испланира летниот преоден рок.

Договорот на Роналдо со црно-белите истекува во јуни, 2022-ра година, а шпанските медиуми пренесуваат дека Португалецот може да се врати во Реал Мадрид.

Како што објави „Тутоспорт“, Роналдо во мај ќе ги извести претседателот Андреа Ањели и спортскиот директор Фабио Паратичи.

Португалецот тоа ќе го направи пред мај, бидејќи клубот сака да почне да ги планира потезите во претстојниот преоден рок и мора да знае дали може да смета на еден од најдобрите играчи на светот.

Со парите од евентуалниот трансфер и без обврска да му исплаќа плата на Роналдо, Јувентус би бил во добра позиција во преодниот рок, но 36-годишниот фудбалер се очекува да остане во Торино до крајот на договорот.

Наводно Португалецот е заинтересиран да остане во клубот и да помогне во остварување на плановите.