Крава се прошета по скопските булевари (ВИДЕО)

Крава која се движи заедно со автомобилите на една од најпрометните улици во Скопје предицвика низа коментари на социјалните мрежи.

Според она што може да се види на видеата кои се споделуваат кравата е снимена прво во близина на  ОУ „Лирија“ и трговскиот центар „Чаирчанка“  каде што на сред улица се движи кон Бит пазар. Други снимки ја покажуваат како на сред коловоз се движи на булеварот Крсте Петков Мисирков  спроти Државниот универзитет „Свети Кирил и Методиј“.

За да стигне кравата до овие локации ѝ се потребни најмалку два часа во кои цело време го попречува нормалното движење на соообраќајот.

Во овој период не е преземено ништо од никого.

Од каде дошла кравата среде Скопје не е познато.