КРАЛОТ ЧАРЛС ГИ ОТКАЖА СИТЕ АКТИВНОСТИ Доживеа несакани ефекти по лекувањето од рак
По закажаниот и тековниот медицински третман за рак утрово, кралот доживеа привремени несакани ефекти кои бараа краток период на набљудување во болница. Затоа, попладневните ангажмани на Неговото Височество беа одложени, соопшти Бакингемската палата.
Кралот ги откажа сите ангажмани за утре, откако „доживеа привремени несакани ефекти“ по лекувањето од рак, соопшти Бакингемската палата.
Палатата соопшти:
„По закажаниот и тековниот медицински третман за рак утрово, кралот доживеа привремени несакани ефекти кои бараа краток период на набљудување во болница. Затоа, попладневните ангажмани на Неговото Височество беа одложени. Неговото височество сега се врати во Кларенс Хаус и како мерка на претпазливост, постапувајќи по лекарски совет, ќе биде презакажана и утрешната програма.
Неговото височество сака да им се извини на сите оние кои може да бидат вознемирени или разочарани поради тоа“.
Бакингемската палата објави во февруари 2024 година дека на кралот Чарлс му бил дијагностициран рак и дека започнува со лекување.