Кралицата Летиција тестирана по бакнежот со министерката која е заразена со коронавирус ФОТО

Кралицата Летиција од Шпанија е тестирана на коронавирус, откако неодамна на министер за влада му беше дијагностицирана оваа болест, пишува „Дејли мејл“.

Летиција се ракувала со министерката за рамноправност, Ирене Монтеро, при пристигнувањето на настанот на кој двете дами присуствувале минатиот петок во Мадрид.

Летиција и Ирене биле фотографирани додека една со друга се бакнуваат во образ.

Потврдата дека кралицата Летиција била тестирана заедно со шпанскиот крал Фелипе Шести, дојде откако беше објавено дека министерката Ирене Монтеро стана првиот министер од шпанска влада што е позитивен на коронавирусот.

Таа и нејзиниот партнер Педро Иглесијас, еден од замениците на премиерот на Шпанија, се ставени во карантин.

Портпаролот на шпанското кралско семејство потврди дека кралот и кралицата се тестирани поради „неодамнешната јавна активност“ на кралицата Летиција и советите на владата.

Резултатите се очекува да бидат објавени утре.

Фотографиите можете да ги погледнете тука.