КРАЛИЦА НА ПОВТОРНОТО НОСЕЊЕ Кејт Бланшет е позната по рециклираните изданија од црвениот тепих, а тоа го направи и сега, на Венецискиот фестивал

Меѓу холивудските икони што се појавија на црвениот тепих за отворањето на Венецискиот филмски фестивал на 27 август, беше и 56-годишната Кејт Бланшет, која изгледаше елегантно со фустан без ракави од Amani Prive. Фустанот со опашка од сирена и длабоко геометриско деколте.

Ако фустанот на Кејт ви изгледаше познато, тоа е затоа што го носеше на друг црвен тепих претходно. Пред три години, Кејт пристигна на доделувањето на наградите на Screen Actors Guild Awards 2022 облечена во истиот фустан. Ѕвездата е позната по рециклирањето на своите впечатливи парчиња облека, носејќи голем број прекрасни фустани на повеќе настани низ годините.

Поради ова, Кејт Бланшет веќе ја нарекуваат кралица на одржливата мода бидејќи е една од ретките славни дами кои носат ист аутфит на црвен тепих повеќе од еднаш. Актерката секогаш инсистирала да облече нешто што веќе го има во гардероберот, а се залага да ја зголеми свесноста за непотребното купување облека која завршува на депонија.

Актерката многупати носела иста креација на два различни настани.

На пример, Кејт носеше фустан од Луј Витон, направен по нарачка, од драпиран, светкав златен материјал со раздвоени ракави на фестивалот во Кан во 2024 година. На доделувањето на наградите „Златен глобус“ претходно оваа година, холивудската икона блескаше на црвениот тепих во истото парче облека. А, во 2022 година, Кејт го носеше својот пенест фустан и сако од Александар Меквин, кој одбра да го носи во Венеција две години претходно.

Некогаш актерката прави и различни комбинации со парчињата што веќе ги носела.

Всушност, има многу повеќе примери каде Кејт ги оживува претходно носените парчиња облека. Ова е потег за кој нејзината стилистка Елизабет Стјуарт вели дека може да биде поеколошки свесен и позначаен отколку само да носи сосема нови парчиња облека и да не ги облече никогаш по само едно носење.