Крадци го обиле станот на Северина, украден е накит

Во станот на пејачката Северина Којиќ во Загреб влегле крадци, дознаваат хрватски медиуми.

Извори блиски на пејачката потврдиле за медиумите дека во станот влегле непознати луѓе, ја врзале помошничката а набрзо потоа избегале во непознат правец.

Иако изминативе денови Северина објавува фотографии од Малдивите, таа сега е во Хрватска, а во моментот на кражбата не била во станот.

Пред зградата каде живее Северина вечерва има неколку полициски возила, за да утврдат со која цел крадците воопшто провалиле и дали со себе зеле вредни работи.

-Денеска во претпладневните часови во станот, во сопственост на жена (49)извршено е разбојништво врз женско лице на возраст од 65 години од страна на двајца непознати сторители со употреба на физичка сила. Украден е накит, а материјалната штета сè уште се утврдува. Нема повредени лица – изјавила загрепската полиција, а пренесуваат хрватски медиуми.