КОВИД АНАЛИЗА Смртта од корона е ретка кај вакцинираните луѓе
Од 51.281 починати во набљудуваниот период, 640 починале откако примиле две дози од вакцината.
Лицата кои се целосно вакцинирани имаат многу помали шанси да починат од коронавирус отколку невакцинираните луѓе или оние кои примиле само една доза од вакцината, покажа анализата на Британското биро за статистика (ОНС).
Меѓу 51.000 смртни случаи во Англија од јануари до јули оваа година, само 256 биле целосно заштитени со две дози на вакцина, и станува збор за луѓе изложени на ризик од развој на вирусот, како што се луѓе со лоша општа здравствена состојба или имунокомпромитирани луѓе, пренесе Би-Би-Си.
Бирото за статистика посочува дека овие податоци покажуваат висок степен на заштита што ја обезбедува вакцината против развој на вируси и смрт. Се очекува одреден број смртни случаи и покрај вакцинацијата бидејќи вакцините не се сто проценти ефикасни и потребни се неколку недели од втората доза за да се развие целосен имунитет.
Смртните случаи биле почести кај мажите
Од 51.281 починати во набљудуваниот период, 640 починале откако примиле две дози од вакцината. Овој број ги вклучува оние што се заразиле пред првата или втората доза на вакцината. Вкупно 458 луѓе, или 0,8 проценти, починаа по најмалку 21 ден од втората доза на вакцината.
Од оние кои го направија својот прв ПЦР тест за присуство на коронавирусот позитивен најмалку 14 дена по втората доза на вакцината, кога се очекуваше да се развие имунитет, починаа 256 или 0,5 проценти од вкупните смртни случаи. Овие смртни случаи се јавуваа почесто кај најранливите луѓе, почесто кај мажите и кај оние со ослабен имунолошки систем, и беа во просек 84 години. Меѓу оние што починале откако биле целосно вакцинирани, 13 проценти претходно го ослабеле имунитетот, 61 проценти биле мажи и повеќе од 75 проценти инаку биле во многу лоша здравствена состојба.
Во Британија, 90 проценти од луѓето на возраст над 16 години примиле барем една доза од вакцината, а 80 проценти од луѓето добиле две дози. Портпаролката на институтот Џули Стенборо рече: „Нашата анализа покажува дека луѓето починале од коронавирус и покрај тоа што биле целосно вакцинирани. Но, и покрај ова, откривме дека ризикот од смрт од коронавирус е многу помал за вакцинираните луѓе отколку за невакцинираните“.