КОВАЧЕВСКИ ДА СЕ ИЗВИНИ ЗА ЗАЕВ, ФИЛИПЧЕ И ЗА БОКИ 13 Од ВМРО-ДПМНЕ бараат мандатарот да се огради од својот претходник

Димитар Ковачевски треба да се извини за грабежот кој Заев и го приреди на државата во форма на 5 годишни буџети. За 60.000 останати без работа, за 5.600 фирми што ставија клуч на врата, за инфлацијата и десеткратно поскапата струја, се вели во соопштението испратено од ВМРО-ДПМНЕ.

– Ковачевски да се извини на сите фирми и граѓани на кои Заевци им барале рекет, а за што гледаме дека излегуваат и сведоштва како во писмото на Бојан Јовановски до Заев, за што самиот тврди дека има докази во неговиот телефон. Ковачевски да се извини за сите лаги кои Заев ги изрече, за безбројните датуми, кои само што не ги добивме, а сепак на крај не ги добивме. Ковачевски треба да се извини на целата нација затоа што Заев и Филипче 5 месеци не обезбедија вакцини затоа што бркаа провизии, а народот мораше да оди во соседните земји за да се вакцинира – порачаа од опозициската партија.

Мандатарот Ковачевски, од ВМРО-ДПМНЕ го советуваат да им се извини и на фамилиите кои изгубија членови на семејство, затоа што Заев и Филипче тераа бизнис и политика во пандемија.