КОВАЧЕВСКИ ДА ГО ПОКАЖЕ ДОКУМЕНТОТ Од ВМРО-ДПМНЕ тврдат дека 3 пратеници од СДСМ се изјасниле против уставни измени
Ковачевски треба да каже дали откако ВМРО-ДПМНЕ обелодени за пратеници од СДС кои не се согласуваат со политиките за уставни измени, тој ги свикал на групна координација, при што побарал да потпишат и документ дека ќе безусловно ќе поддржат уставни измени, до што не дошло затоа што споменатите пратеници не се согласиле, велат од ВМРО-ДПМНЕ.
Тројца пратеници од СДСМ се изјасниле против уставните измени, а шестмина рекле дека тоа е најлошата работа која би можеле да ја направат, тврди опозициската ВМРО-ДПМНЕ во соопштение до јавноста.
Еве што велат тие:
„Ковачевски да излезе и да го покаже документот колку пратеници од СДС не му се потпишале дека ќе гласаат уставни измени.
Ковачевски треба да каже дали откако ВМРО-ДПМНЕ обелодени за пратеници од СДС кои не се согласуваат со политиките за уставни измени, тој ги свикал на групна координација, при што побарал да потпишат и документ дека ќе безусловно ќе поддржат уставни измени, до што не дошло затоа што споменатите пратеници не се согласиле.
Залудно е префрлањето на топката во туѓ двор, кога Ковачевски не може да си го среди својот. 3 пратеници од 1 и 2 ИЕ му кажале дека нема да поддржат Уставни измени, а 6 пратеници од внатрешноста констатирале дека гласањето на уставните измени е најлошата работа која може да ја направат.
Ковачевски знае дека ниту неговите пратеници нема да поддржат уставни измени и затоа е нервозен.
Иста е состојбата и во ДУИ, каде еден пратеник барал пари за да гласа.
И СДС и ДУИ движат кон ќорсокак и затоа нервозата од ден во ден сè повеќе расте“, стои во соопштението на ВМРО-ДПМНЕ.
На соопштението на опозицијата, следеше одговор од СДСМ. Тие во соопштение го прашуваат лидерот на ВМРО-ДПМНЕ Христијан Мицкоски дали ги преброил пратениците во сопствената партија кои се „за“ уставните измени.