КОРОНАТА МОЛСКАВИЧНО СЕ ШИРИ Москва бележи рекордни 11.557 новозаболени во еден ден

Во Москва денеска се регистрирани рекордни 11.557 нови случаи на коронавирус, додека бројот на новозаразени во цела Русија во изминатите 24 часа изнесува 38.850, соопштија локалните власти.

Од почетокот на пандемијата, во Русија се регистрирани вкупно 10.938.261 случаи на заразени со коронавирусот.

Во Москва во изминатите 24 часа од ковид-19 починале 70 лица, со што бројот на починати во главниот град на Русија се искачи на 38.154, соопшти кризниот центар.