КОРИСТЕЛЕ СЕКСУАЛНИ УСЛУГИ ОД МАЛОЛЕТНИЧКА Петмина уапсени за трговија со дете
М.К.(20) со употреба на физичка сила и закани, како и со психолошко насилство, ја принудувал малолетничката на вршење полови дејствија и давање сексуални услуги за паричен надоместок од 1.000 до 2.000 денари, информира МВР.
Пет лица од Кавадарци и Неготино се уапсени под сомнение дека учествувале во трговија со дете и користење сексуални услуги од малолетни лица, соопшти МВР.
На 14 јануари годинава Националната единица за сузбивање на криумчарење мигранти и трговија со луѓе при Секторот за криминалистички истраги во Одделот за сузбивање на организиран и сериозен криминал, под раководство на Јавен обвинител од Основното јавно обвинителство за гонење организиран криминал и корупција реализираше случај за сторено кривично дело „трговија со дете”, извршено од страна на пет лица.
Имено, В.Д.(39), К.Р.(24), В.Б.(26) и А.Д.(23) од Кавадарци и Н.И (21) од Неготино, во временскиот период од август до 19 септември 2022 година го сториле кривичното дело така што користеле сексуални услуги од малолетничка на различни локации, за паричен надоместок од 1.000 до 2.000 денари. М.К.(20) со употреба на физичка сила и закани, како и психолошко насилство, ја принудувал малолетничката на вршење полови дејствија и давање сексуални услуги на петте пријавени лица. За М.К од страна на ОЈО за гонење на организиран криминал и корупција во моментот се спроведува истрага за сторено кривично дело „Трговија со дете” (чл.418-г од КЗ).
Врз основа на издадени судски наредби од Основен кривичен суд Скопје, на 14.01.2023 година, на подрачјето на Кавадарци извршен е претрес во дом и други простории кај пријавените, при што петте лица се лишени од слобода и против нив од страна на Националната единица за сузбивање на криумчарење мигранти и трговија со луѓе до Основното јавно обвинителство за гонење организиран криминал и корупција е поднесена кривична пријава за сторено кривично дело „трговија со дете” предвидено и казниво во член 418-г став 3 од Кривичниот законик“ – се вели во соопштението на МВР.