Контроверзниот рапер сака да си купи планета

Американскиот рапер Лил Узи Верт изјави дека има намера да ја купи џиновската гасовита планета регистрирана под името ВАСП-127-б, што сигурно би било прво купување од овој вид во светот.

Контроверзниот Узи претходно го привлече вниманието на јавноста кога во челото „си вгради“ дијамант од 24 милиони долари и му се придружи на пејачот Гримс во намерата да си стават компјутерски чипови во мозоците, па и двајцата да го стекнат „знаењето на боговите“. За разлика од чиповите во главата, се чини, музичарот нема да наиде на разбирање кај „вселенската заедница“ по оваа нова замисла.

Тоа е така затоа што откупот на планета засега не е ниту правно можно, па ни во симболична смисла. Сепак, овој маркетинг-трик поведува важни прашања за тоа кој би имал имотни права над територии надвор од планетата Земја и што сè треба да се промени за тоа да се примени?

Иако на Твитер, Лил Узи Верти и Грајмс разменија пораки во кои се тврди дека се „на чекор од потпишување историски договор за набавка“, тоа (сè уште) не е можно во пракса, освен ако не се граѓани на повисока (вонземска) цивилизација, како што се шегуваат американските медиуми.

Овој договор не е можен, меѓу другото, и бидејќи Меѓународниот вселенски договор од 1967 година сè уште е во сила во меѓународното право. Со него, се забранува сопственост на поединци и влади над територии надвор од Земјината Орбита.