Компанија нуди 11.000 евра за лежење во кревет 30 дена: Еве кој може да се пријави

Звучи како примамлива понуда – 11.000 евра за 30 дена во кревет. Она што звучи како сон е, всушност, понуда од Германскиот центар за воздухопловство (ДЛР).

Во Келн, центарот бара 12 мажи и 12 жени за студијата, кojaшто ДЛР ја спроведува во име на НАСА во 2021 година. Студијата ќе трае 60 дена. Од тоа, 30 дена е одмор во кревет.

ДЛР ветува надомест од 11 000 евра за целосно учество.

– Но, тоа не е нужно лесни заработувачка – вели Андреа Нитсче од ДЛР. Таа е одговорна за пребарување на испитаниците и веднаш јасно става до знаење:

„Тоа не е само лежење и одмарање.“

Учесниците на студијата мора да останат во кревет 30 дена непрекинато, со главата која мора да биде во позиција малку пониска од нозете, односно за 6 степени.

Не можете да добиете ниту книга од полицата ниту работите од плакарот.

– Тоа им е особено тешко на мажите – објаснува Нитсче. Студијата трае вкупно 60 дена, вклучувајќи две недели аклиматизација и две недели последователна грижа.

Слични студии веќе биле спроведени неколку пати на ДЛР. Тие се користат за истражување, кои контрамерки можат да се преземат против дегенеративните промени кај астронаутите. Покрај строгиот одмор во кревет, треба да се симулираат ефектите на бестежинска состојба во вселената.

„Затоа многу работи ќе се случат околу „одморот“ во креветот“, вели Нитсче. Ќе има многу експерименти со учесниците, особено пред и по одморот во креветот, но исто така и за време на фазата на одмор во кревет. По одморот во кревет следува фаза на закрепнување од 14 дена.

Учесниците мора да исполнат голем број барања. Мора да имате старост помеѓу 24 и 55 години, да имате индекс на телесна маса, односно БМИ помеѓу 19 и 30 и да бидете високи помеѓу 1,53 и 1,92 м.

Покрај тоа, апликантите треба да бидат ментално и физички подготвени и здрави. Нитсче е особено задоволна од кандидатите кои исто така се заинтересирани за позадината на студијата.

Искуството покажа дека апликантите кои имаат само пари на ум често не одговараат и реагираат толку добро. Студијата ќе се одржи од 4 до 6 месеци во 2021 година, пренесува „Феликс“.