КОЛКУ ЛУЃЕ ВО СВЕТОТ ДЕНЕС СЕ ХРАНАТ СО ИНСЕКТИ? Скакулци, гасеници и црви во вашата чинија
Поради витамините, минералите, есенцијалните масни киселини кои ги содржат, инсектите можат да бидат корисна состојка во функционалната храна, особено за оние кои внимаваат на внесот на протеини и помал број калории.
Употребата на инсекти во исхраната не е ништо ново, меѓутоа, ново е во западниот свет и тоа е причината што го привлекува вниманието на медиумите, индустријата и јавноста воопшто.
Инсектите, нивните јајца, ларвите, куклите и возрасните се јаделе уште од праисторијата, кога не постоеле орудија за лов. Денес е познато дека ги консумираат околу 3.000 етнички групи. Тие се јадат во Централна и Јужна Америка, Африка, Азија, Австралија и Нов Зеланд. Во Кина на секој чекор можете да најдете мобилни тезги на кои меѓу другото се продаваат најразлични печени инсекти наредени на стапчиња, а се служат и во ресторани. Пишувавме за тоа дека австралиските домородци, Абориџините, одредени ларви од инсекти и гасеници, како и медоносните мравки, ги сметаат за вистински деликатеси.
Европската комисија неодамна објави дека го одобрила третиот вид инсект за човечка исхрана, штурецот (Acheta domesticus).
Повеќе за ова на порталот „Арт кујна“.