КОЛКАВ ИМОТ КРИЕ ФИЛИПЧЕ НА ТУЃО ИМЕ? Јаревски наброја неколку милионски набавки од времето на ковид-кризата
На сите овие тендери вредни милиони имаше неуспешни набавки кои Филипче сè додека не се откри криминалот кој сака да го направи ги туркаше по секоја цена. А тоа се тендерите за Ковид вакцини и набавката преку фирмата Стабри од Хонг Конг. Таму се откри дека некој имал договорено да земе 100% провизија на сметка на државните пари и 35 милионскиот тендер за реагенси, вели пратеникот Тони Јаревски од ВМРО-ДПМНЕ.
Пратеникот Тони Јаревски од ВМРО-ДПМНЕ обвини дека зад, како што вели тој, милионски тендери и јавни набавки на екс-министерот за здравство Венко Филипче, стои одговорот за наводен огромен имот припишан на туѓо име.
Јаревски вели:
„Венко Филипче е заложник на фармацевстката мафија, дали таму се крие одговорот за огромниот имот?
Милиони евра од Клиниката за Хематологија каде директоруваше Ирина Пановска кон веледрогеријата „Др. Пановски“ на татко ѝ.
Во десетина милиони евра се бројат и тендерите кои д-р Пановски ги добивале и на Клиниката за Хематологија.
Милиони евра од здравството со кое управуваше Филипче завршуваа и кај „Елбијор“, фирма на Стојмир Петров, татко на сопругата на Христијан Костов, директор на Градската болница „8 септември“ која набавуваше вакцини.
На сите овие тендери вредни милиони имаше неуспешни набавки кои Филипче сè додека не се откри криминалот кој сака да го направи ги туркаше по секоја цена. А тоа се тендерите за Ковид вакцини и набавката преку фирмата „Стабри“ од Хонг Конг. Таму се откри дека некој имал договорено да земе 100% провизија на сметка на државните пари и 35 милионскиот тендер за реагенси.
Дали зад овие и уште мноштво други тендери, се крие одговорот за хациендата на Филипче на Водно и луксузното Ауди Q8?
Дали и колкав имот крие Филипче на туѓо име?
Одговорност ќе има“, вели Јаревски.