🎥 KOJ ЌЕ ПОБЕДИ ВЕЧЕРВА ВО ФИНАЛЕТО НА ЕВРОСОНГ 2024? Еве какви се шансите на фаворитите
Израелската претставничка Еден Голан опасно го загрозува фаворитот на Хрватска Бејби Лазања. Но, добри шанси за успех имаат претставниците на уште четири земји.
Вечерва во шведскиот град Малме се одржува финалето на 68. Избор за песна на Евровизија.
Според обложувалниците, хрватскиот претставник Бејби Лазања (Марко Пуришиќ ) и натаму е главен фаворит од сите 26 изведувачи, но опасно го загрозува претставничката на Израел, Еден Голан.
Ова се прогнозите на букмејкерите:
Но, фановите на Бејби Лазања се загрижија откако по втората полуфинална вечер Израел оствари огромен раст и моментално води во прогнозите според очекуваниот резултат од телевоутингот:
Дваесетгодишната Еден Голан настапи во втората полуфинална вечер на Евровизија со баладата „Ураган“ и ги освои симпатиите на публиката.
Пред нејзиниот настап, на улиците на Малме се одржаа насилни протести поради учеството на Израел на Евросонг 2024.
Поради сето ова, исходот на финалната вечер ќе биде крајно неизвесен. Според очекуваните гласови од публиката, шанси за успех имаат и Украина, Холандија, Ирска и Швајцарија. Во севкупните прогнози, пак, на четврта позиција е и Франција.
Ова се настапите на Еден Голан и на Бејби лазања во полуфиналните вечери: