КОЈ СТОИ ЗАД 10-ДНЕВНИОТ УСПЕХ НА БУНТОВНИЦИТЕ ВО СИРИЈА? Ал Џолани сонува за народна влада која нема да ги гони малцинствата

Човекот кој стои зад неверојатниот успех на сириска војска во последните неколку дена одлучи да даде интервју за Си-Ен-Ен додека неговото лице беше скриено во сенката. Водачот со прекар Ал-Џолани почна како млад борец за Ал Каеда против САД во Ирак, но сега сака да остави впечаток на мореден политичар со демократска визија за Сирија.

Токму за време на интервјуто дојде веста дека неговата команда го зазела градот Хама. Бунтовниците влегоа во палатата на сирискиот претседател во градот, а се смета дека ќе продолжат кон главниот град Дамаск.

Ал-Џолани во разговорот за првпат го откри неговото вистинско име, Ахмед ал Шара. Тој вели дека крајната цел е создавање влада заснована на институции и „совет избран од народот“.

– Сирија заслужува институционален систем на управување, а не систем во кој еден владетел носи произволни одлуки. Династијата Асад е на власт 53 години, од 1971 година. За да го одржи своето повеќедецениско владеење, режимот уби стотици илјади луѓе, затвори дисиденти и брутално раселени милиони во земјата и во странство – вели Ал-Џолани и додава дека проектот е изградба на Сирија, а групата ХРТ е само средство за соочување со режимот на Асад.

Кога се вратил во Сирија, тој го водел огранокот на Ал Каеда кој во 2017 година еволуираше во Хајат Тахрир ал-Шам (ХТС), познат како Организација за ослободување на Левант. САД, Турција, Обединетите нации и неколку други западни земји сè уште ја сметаат ХТС за странска терористичка организација, и покрај обидите на групата да се дистанцира од своите корени.

 

HTS leader Jolani explains how his group was able to defeat Syrian government this time:

• “Revolution has transition from chaos to a state of order both in civil and institutional matters and military operations a like. “

• “Unification of internal opinions”
•… pic.twitter.com/kcGjsSwFGG

— Ragıp Soylu (@ragipsoylu) December 6, 2024

Додека бунтовничката коалиција брзо ја проширува територијата под нејзина контрола, Ал-Џолани инсистира дека цивилите немаат од што да се плашат во областите во Сирија кои се под контрола на бунтовниците.

– Луѓето кои се плашат од исламското владеење или виделе дека е погрешно спроведено или не го разбираат правилно – тврди тој.

Тие ги уверуваат христијаните и другите верски малцинства дека никој нема право да ги елиминира.

ХТС вели дека работи на смирување на цивилите и групите кои претрпеле прогон од екстремистички и џихадистички групи во децениската граѓанска војна во Сирија. Тие, исто така, тврдат дека се потрудиле јавно да им кажат на христијаните и на другите верски и етнички малцинства дека ќе живеат безбедно под нивна власт.

 

History on video.#Hama topples its #Assad statue, bringing an end to decades of brutal rule & turning past the 1982 massacre of 10,000s of civilians in the city.

One contact there: “We’re breathing the sweet air of freedom. It’s like paradise.” pic.twitter.com/M0XbMy8WPg

— Charles Lister (@Charles_Lister) December 5, 2024

Групите за човекови права и локалните набљудувачи, сепак, алармираат поради неодамнешниот третман на ХТС кон политичките неистомисленици во Идлиб, велејќи дека групата сурово ги задушувала протестите и ги мачела и малтретирала дисидентите.

– Имаше одредени прекршувања на правата на малцинствата за време на периодот на хаос, но ние ги решивме тие прашања. Никој нема право да збрише друга група. Овие луѓе коегзистираат во овој регион стотици години и никој нема право да ги елиминира – рече Ал Џолани на прашањето за загриженоста за нивната безбедност.

Сириските опозициски сили се децентрализирани и составени од различни идеологии, иако ги обединува заедничката цел за соборување на режимот на Асад. Но, корените на ХТС и Ал Џолани во екстремистичките исламистички движења фрлаат сенка врз неговите амбиции како политичар.

САД од 2018 година бараат 10 милиони долари за неговото апсење.