КОЈ КОМУ СЕ ЗАКАНУВАЛ? Курто Дудуш пријави инспектор од Град Скопје, но и за него има пријава

Вчера околу 10:30 часот З.Г., инспектор во град Скопје, пријавил во СВР Скопје дека на ул.2 бб во близина на дива депонија, при вршење на службени дејствија за вршење на надзор и подигање на мостри, дошле две лица и еден од нив бил градоначалникот на Шуто Оризари, Курто Дудуш, кој почнал да ги навредува него и неговите колеги и да им се заканува и го попречувал земањето на мостри, информираше Министерството за внатрешни работи (МВР).

Од друга страна, пак, пријава во МВР има и од Дудуш, кој тврди дека вработениот во Град Скопје му упатувал закани.

„На 11.02.2025 во 13:10 часот во Полициското одделение Шуто Оризари, К.Д.(50) од Скопје – градоначалник на Шуто Оризари, пријавил дека за време на инспекциски надзор на отпад од страна на вработени во Град Скопје, кој бил сместен на неговиот имот на подрачјето на Шуто Оризари, Ф.С.(47) од Скопје, вработен во Град Скопје, му упатувал закани. Се работи на расчистување на случајот“, информираше МВР.