КОЈ КОГО ГРАНАТИРАШЕ ВО ДОНБАС? Песков го обвини НАТО, Киев впери прст кон Москва
Според Песков, гранатирањето „е предмет на многу, многу длабока загриженост“.
Кој ги гранатираше петте населени места во про-рускиот регион Донбас вчера во доцните часови? Додека Киев ја обвинува Москва, првиот човек на Кремљ, Дмитриј Песков го обвини НАТО за вршење „нескриена информативна агресија против Русија“ и за нова ескалација на конфликтот. Според него, гранатирањето „е предмет на многу, многу длабока загриженост“.
– Многу пати предупредувавме дека прекумерната концентрација на вооружените сили на Украина, до линијата на контакт, заедно со можноста за провокации, може да биде многу опасна. И сега гледаме дека овие провокации се случуваат – изјави Песков.
With Russia’s trolls & useful idiots desperately claiming this kindergarten is not in #Ukraine held Stanytsia Luhanska, here’s a #Ukrainian military video https://t.co/cC7Mr5k06a showing it & the damage & here’s the coordinates for it 48°40’25.23″N 39°27’2.29″E. #Donbas #Donbass https://t.co/PfhKdFfToJ pic.twitter.com/fvykZPGZ50
— Glasnost Gone (@GlasnostGone) February 17, 2022
Сликите од градинка која беше разурната во нападите прошетаа по светот. Според Луганската народна милиција украинските сили фрлиле 162 гранати врз побунетите региони. Но, ова го демантираше украинското МНР. Неговиот прв човек, Дмитро Кулеба побара меѓународно да биде осудена акцијата во селото Станица, која според Украина е организирана од Русија.
Тој на Твитер објави дека при гранатирањето, кое е нарушување на Договорите од Минск, оштетена е цивилна инфраструктура.
Ова е спротивно на приказните од руските медиуми. Според дописникот на Индепендент во Москва, при гранатирањето на детска градинка во регионот на Донбас, повредени се три лица. Меѓу нив нема деца.