КОЈ ГО ПРЕДИЗВИКАЛ ПОЖАРОТ? Гореше ќелија во затворот во Битола
Нема повредени во пожарот. Лекарска помош побарале неколку чувари во затворот кои вдишале чад.
Вчера попладне избувнал пожар во една од ќелиите во затворот во Битола, а чадот стигнал до сите ќелии каде што се наоѓаат притвореници.
Според Управата за извршување на санкции, огнот бил набрзо изгаснат.
Неофицијално пожарот бил намерно предизвикан од еден од притворениците, а чадот се проширил преку централниот систем за вентилација.
Можеби ќе ве интересира
Според првичните информации, нема повредени во пожарот. Лекарска помош побарале неколку чувари во затворот кои вдишале чад.
Притворениците се преместени низ другите затвори во земјава.
Во затворот моментално се сместени 18 лица на кои им е иzречена мерка притвор.
Официјални информации и повеќе детали за пожарот се очекуваат во текот на денешниот ден.