КОЈ Е НАТРАПНИКОТ ЗАД ЗАТВОРЕНИ ВРАТИ ВО РЕАЛ МАДРИД? Меѓу играчите има кавги, еве за што се конфронтираат

Соблекувалната на Реал Мадрид наликува на растурен оркестар. Меѓу играчите владеат тензии, кавги и игнорации, а сезоната на „кралевите“ се претвори во бледо сеќавање на славата.

Капитенот Лука Модриќ е еден од ретките што гласно зборува:

– Мораме да се обединиме ако сакаме да ја спасиме честа на дресот – повика тој, но без одговор од најблиските.

Шпанските медиуми пишуваат дека Модриќ веќе подолго време не зборува со Винисиус. Освен тоа, имал судир и со Џуд Белингем, кому му замерил на недоволен ангажман во одбраната. А Белингем, пак, остро го нападнал Антонио Рудигер поради неговото однесување со судијата во финалето на Кралскиот куп – што му донесе шест меча суспензија.

– Тоа не е лидерско однесување – му рекол Англичанецот на Германецот.

Рудигер влегол и во жесток судир со Тибо Куртоа. Белгискиот голман отворено му рекол дека не сака повеќе ништо заедничко со него сè додека не се промени и не почне да се однесува „како нормална личност“.

Меѓу најзатегнатите односи се и оние меѓу Винисиус и новодојдениот Килијан Мбапе. Бразилецот, според извори блиски до тимот, целосно го игнорира францускиот клан на чело со Мбапе, кој пак не успеал да се вклопи во соблекувалната и поддршка добива само од своите сонародници од репрезентацијата.

Во целата збрка, „Дон Балон“ открива уште еден конфликт: Модриќ против Рудигер. Според медиумот, токму Германецот и Винисиус станале најнеприфатени личности меѓу останатите.

Сезоната на Реал се претвори во катастрофа. Тимот испадна од Арсенал во четвртфиналето од ЛШ, ги загуби двата финала – на Суперкупот и Кралскиот куп – од Барселона, и се наоѓа четири бода зад Каталонците, пет кола пред крајот на Ла Лига.

Анчелоти го напушта тимот по завршување на сезоната, а Чаби Алонсо е главниот фаворит да ја преземе вжештената клупа.