Кој е најпопуларниот јазик што се изучуваше оваа година?

Триесет милиони луѓе се обидоа да научат нов јазик оваа година во неделите кога светот беше принуден да остане дома поради пандемијата Ковид-19.

Ова го покажуваат податоците на бесплатната јазична апликација „Duolingo“.

Извештајот „Year in Language“ на апликацијата открива дека турскиот јазик е најбрзо растечки јазик во Америка во 2020-та година, но шпанскиот јазик останува најпопуларен избор (го надминува и францускиот по глобална популарност).

Следува англискиот како втор најпопуларен јазик за оние кои ја користат „Duolingo“ од САД.

Според апликацијата, францускиот, јапонскиот и германскиот јазик ги завршуваат првите пет јазици што се изучуваат во Америка, пренесува „T+L“.

И додека Американците се навистина страствени за учењето јазик во 2020-та година, тие не се најпосветени. Всушност, „Duolingo“ открил дека Германците се најинтузијастички ученици на јазик во светот, а по нив следуваат Јапонците и Унгарците.

Од новите ученици, 40,5% се дел од генерацијата Z (родени од околу 1997 до 2012 година), а учењето на нов јазик кај 13 и 14-годишници е зголемено за 85% во споредба со 2019-та година.

Најпопуларниот јазик за оваа генерација? Јапонски.

Еве ги првите 10 најучени јазици во 2020-та година преку „Duolingo“ ширум светот:

1. англиски

2. шпански

3. француски

4. германски

5. италијански

6. јапонски

7. корејски

8. португалски

9. руски

10. кинески

Вкупно, „Duolingo“ има околу 40 милиони активни корисници месечно и нуди изучување на 39 различни јазици.