КОЈА ВАРИЈАНТА НА КОРОНА E НАЈОПАСНА ЗА ДЕЦАТА? Британска студија ги открива деталите

Новиот делта-сој на корона е еднакво заразен со неговата оригинална варијанта, но и со алфа-варијантата, покажале научниците од Кралскиот колеџ во Лондон во неодамнешна студија. Делтата не ги прави децата поболни од другите варијанти, а разликата е што децата кои имале делта-сој имале повидливи симптоми. Добрата вест е дека ниедно дете од 1.400 испитани не морало да лежи во болница, а половина од децата го прележале вирусот за помалку од пет дена, пишува Нет.

„Нашите податоци сугерираат дека клиничките карактеристики на делта-сојот кај децата се слични со другите варијанти“, заклучија британските научници, а пренесе Ројтерс.

Во испитувањето, биле земени 694 деца заразени со алфа-сојот помеѓу декември минатата година и мај оваа година и друга група од 706 деца заразени со делта-сојот од мај до јули. Значи, типот на коронавирусот кај нив не влијае на заразноста и на сериозноста на болеста. Ова се совпаѓа и со заклучокот на Американскиот центар за контрола и превенција на болести.

– Иако забележуваме поголем број инфекции кај децата, нашите студии покажуваат дека нема разлика или влошување кога станува збор за сериозноста на симптомите и сериозноста на болеста – рече неодамна директорката на ЦДЦ Рошел Валенски, зборувајќи за делта-сојот.

Сепак, истражувањето открило дека годинава има сè повеќе деца кои заболуваат од ковид-19.

– Денес повеќе деца се заразени со ковид-19, бидејќи болеста е поприсутна во пошироката заедница – додаде таа.