КИНЕСКО ЛЕТАЛО ОД 23 ТОНИ ЌЕ ПАДНЕ НА ЗЕМЈАТА? Шпанија затвори шест аеродроми, Кина вели дека не постои опасност
Би сакал да истакнам дека Кина отсекогаш спроведувала активности за мирно користење на вселената во согласност со меѓународното право и меѓународната практика. Повторното влегување на дел од ракета во земјината атмосфера е меѓународна практика, изјави Жао Лиџијан, портпарол на кинеското МНР.
Неколку шпански аеродроми го затворија својот воздушен простор по информациите дека кинеско летало, дел од ракета тежок 23 тони неконтролирано ќе се врати на земјата , а никој уште не знае каде ќе слета телото на проектилот. Се работи за последниото парче од кинеската вселенска станица „Тиангонг“ кое беше лансирано во понеделникот, но потоа беше издадено предупредување дека тоа ќе се врати, пишува Њујорк тајмс.
🚨🇪🇸 We can not detect the rocket yet but #Barcelona is very likely the area where the out-of-controlled Chinese rocket may hit. pic.twitter.com/MB3xBziaGh
— Terror Alarm (@Terror_Alarm) November 4, 2022
Не се знае точно каде може да слета проектилот, но Шпанија е идентификувана како една од земјите на нејзиниот пат. Поради тоа, неколку шпански аеродроми го затворија својот воздушен простор.
Тоа се аеродромите во Барселона, Тарагона, Ибица и во Реус. Според извештаите на шпанските медиуми и други региони може да бидат на удар, како Ла Риоха, Кастиља и Леон. Мерката на затворање на аеродромите се очекува да трае околу 40 минути, иако локалните извештаи сугерираат дека места како Ибица може да бидат погодени во рок од три часа.
Портпаролот на каталонската агенција за цивилна заштита потврди дека поради ризикот поврзан со преминувањето на вселенскиот објект CZ-5B преку шпанскиот воздушен простор, летовите се целосно ограничени од 9:38 до 10:18 часот во Каталонија и други области.
– Аеродромите и другите организации се веќе информирани – рече портпаролот.
Шпанските контролори за летање наведуваат дека „Еуроконтрол“ ги информирал за неконтролирано повторно влегување на кинеско летало во земјината атмосфера. Се чини дека некои патници во авионот биле информирани за затворањето на шпанскиот воздушен простор откако веќе се качиле на полетување.
Жао Лиџијан, портпаролот на Министерството за надворешни работи на Народна Република Кина, денеска ја отфрли идејата дека кинеското ракување со ракетите Long March 5B претставува нешто необично.
– Би сакал да истакнам дека Кина отсекогаш спроведувала активности за мирно користење на вселената во согласност со меѓународното право и меѓународната практика. Повторното влегување на дел од ракета во земјината атмосфера е меѓународна практика – изјави Лиџијан.