Кинескиот претседател побарал од војниците да се подготват за војна
Како што пренесува Си-Ен-Ен, претседателот им порачал на војниците да бидат на готовс и да бидат целосно лојално, чисти и доверливи.
Кинескиот претседател, Си Џинпинг, побарал од војниците да ги вложат умот и енергијата во подготовка за војна која би можело да започне во текот на посетата на воената база во јужната провинција Гуангдонг.
Како што пренесува Си-Ен-Ен, претседателот им порачал на војниците да бидат на готовс и да бидат целосно лојално, чисти и доверливи.
Инаку, целта на посетата на Си во Гуангдонг била да одржи говор по повод 40-годишнината на специјалната економска зона Шенжен, која е основана во 1980 година и која одиграла значителна улога во помагањето на кинеската економија да стане втора по големина во светот.
Воената посета била организирана во момент додека тензиите меѓу Кина и САД, како што наведува Си-Ен-Ен, се на највисока точка на вриење во последните неколку децении, а несогласувањата околу Тајван создаваат остри поделби.
Белата куќа го известила Конгресот во понеделникот дека планира да продаде три контингенти оружје на Тајван, а во остриот одговор од Пекинг, портпаролот на Министерството за надворешни работи, Џао Лиџиан, го повикал Вашингтон веднаш да ги откаже сите планови за продажба на оружје на Тајван и да ги прекине сите американско-тајвански воени врски.
Иако Тајван никогаш не бил под контрола на кинеската владејачка Комунистичка партија, властите во Пекинг инсистираат на тоа дека демократскиот, самоуправен остров е составен дел од нивната територија, со тоа што и самиот Си одбил да исклучи можност за воена интервенција за заземање на Тајван ако тоа биде потребно.