Кинески амбасадор во Лондон: Не криевме ништо за вирусот, доста нѐ малтретирате!

Кина не ја криеше појавата на коронавирус, така што САД не треба да не малтретираат на начин кој потсетува на европските колонијални војни од 19 век.

Ова го изјави денес кинескиот амбасадор во Лондон, Лиу Сјаоминг.

– Слушам многу шпекулации и дезинформации за тоа дека Кина ја прикрива епидемијата, крие нешто. Тоа не е воопшто точно – рече Ли.

Тој посочил дека кинеската влада е транспарентна и брзо споделувала информации.

– Апсурдно е што судовите во некои земји ја тужат Кина. Некои политичари, некои луѓе сакаат да бидат светски полицајци. Ова не е ера во која Кина е полуколонијално, полу-феудално друштво – рече тој.

Тој изјави дека овие луѓе сè уште живеат во старите времиња и сметаат дека можат да ја вознемируваат Кина и светот.

– Кина не е непријател на САД. Ако сметаат дека Кина е непријателот, тогаш тие одбрале погрешна цел – рече Лиу.