КИНА ОБЈАВИ СВОИ ФОТКИ ОД МАРС Потрага по небесната вистина (ФОТО)
Меѓупланетарната мисија чие име, послободно преведено значи – „потрага по небесната вистина“, беше лансирана 2020 година и слета на Марс минатиот мај, кога роверот „Журонг“ тргна во „патролирање“ и истражување. „Тјанвен-1“ се состои од шест дела – орбитер, две подвижни камери, приземјувач, далечинска камера и самиот ровер, којшто е првиот на Народна Република Кина што некогаш слетал на друга планета.
По повеќе од една година на површината на Марс, кинеската сонда „Тjанвен-1“ направи снимки кои ја покриваат целата „Црвена Планета“, објави државната Кинеска национална вселенска агенција – КНВА, вчера.
Меѓупланетарната мисија чие име, послободно преведено значи – „потрага по небесната вистина“, беше лансирана 2020 година и слета на Марс минатиот мај, кога роверот „Журонг“ тргна во „патролирање“ и истражување. „Тјанвен-1“ се состои од шест дела – орбитер, две подвижни камери, приземјувач, далечинска камера и самиот ровер, којшто е првиот на Народна Република Кина што некогаш слетал на друга планета.
Mission accomplished! CNSA announces Tianwen-1 orbiter has obtained global medium-resolution images of Mars, after 1344 orbits in 706 days, as of June 29. The probe has completed all planned missions and will continue remote sensing work and perform some technology tests…. pic.twitter.com/ml2M8smEFr
— China ‘N Asia Spaceflight🙏 (@CNSpaceflight) June 29, 2022
Целите на вселенската мисија се повеќекратни – проучување на топографијата, геологијата на подрачјето, мразот, минералите, карпите, атмосферата… Во соопштението на КНВА се наведува дека сондата досега ги завршила сите задачи што ѝ биле доделени, вклучително и правење слики со средна резолуција што ја прикажуваат целата планета.
China’s Tianwen-1 captured imagery data covering all of Mars including visuals of its south pole. The uncrewed spacecraft reached the Red Planet in February 2021 and has since circled it more than 1,300 times https://t.co/Y0J0wMd7hh pic.twitter.com/VuRXYghkXC
— Reuters (@Reuters) June 30, 2022
Сликите, објавени на интернет, го покажуваат нерамниот терен на пејзажот на Марс – правливи црвени дини, вулкани, кратери од судирите со помали вселенски тела, ледената покривка на Јужниот Пол и карпите и гребените на кањонот Валес Маринерис – еден од најголемите во нашиот Сончев Систем.
Сондата собра 1.040 гигабајти научни податоци, кои потоа беа обработени од научниците на Земјата и предадени на истражувачки тимови за натамошно проучување, соопшти КНВА.
Агенцијата споделува информации за летот на орбитерот и со американската НАСА и Европската вселенска агенција – ЕСА.