КИФЕР САТЕРЛЕНД УАПСЕН ЗА НАПАД ВРЗ ВОЗАЧ Актерот ќе се соочи со суд откако полицијата потврди дека бил учесник во шокантен инцидент
Холивудската ѕвезда Кифер Сатерленд следниот месец ќе се соочи со суд откако полицијата потврди дека физички нападнал возач на превоз во Лос Анџелес, во шокантен инцидент.
Кифер Сатерленд бил уапсен во Лос Анџелес откако бил обвинет за физички напад и закана кон возач на споделувачки превоз, соопштија претставници на канцеларијата на шерифот на округот Лос Анџелес, пишува couriermail.
Според полицијата, инцидентот бил пријавен околу 15 минути после полноќ на раскрсницата на булеварот Сансет и авенијата Ферфакс, објави NBC.
Истрагата утврдила дека Сатерленд влегол во возило за заеднички превоз, физички го нападнал возачот и упатил закани.
Полицијата соопшти дека жртвата не претрпела никакви повреди што барале медицинска помош на местото на настанот и дека истрагата е во тек.
Сатерленд бил ослободен неколку часа по приведувањето, со кауција од 50.000 долари.
Според записите од затворот во округот Лос Анџелес, Сатерленд треба да се појави на суд на 2 февруари.
Неговите претставници не одговориле на барањата за коментар.